【10万人观看】王卓淇晒长腿骚歌艺吸粉丝

etin

艺人王卓淇最近留在家中抗疫，都不忘晒靓相派福利，近日佢就以一字肩碎花裙上阵，露膊兼大晒白滑长腿，仲玩埋“变发”驳上金色假发，新造型带畀网民无限新鲜感。除咗甫相，佢亦有大骚才艺，拍片“开金口”献唱冧粉丝，之后仲歌瘾大发，索性开直播叫粉丝点唱：“许久没有直播唱歌给大家听了...歌瘾发作...欢迎来点歌 一起玩呀～～”喺直播入面大唱《野孩子》、《囍帖街》等旧歌，亦有唱较新的《呼吸有害》，唔少网民都话估唔到佢外表睇得之馀，歌艺都有出色表现，短短的100分钟直播，最终吸咗10万人观看，以一演员嚟讲成绩相当不错。