搬旧屋月悭14万租 陈浩民疫市低收入

etin

新冠肺炎疫情持续，艺人陈浩民坦言演艺工作大受影响，早前往返内地拍剧需要两边隔离近半个月，费时又欠收入，叫苦连天！为了节省开支，他由原本交14万月租的何文田复式天池屋，举家搬至早年斥资4,500万元购入的红磡2,000呎旧屋悭租！

陈浩民说：“我哋未正式搬出，只系有时间就逐啲搬，因为屋企嘅嘢太多。有呢个打算系因为细路逐渐长大，我同Lisa（太太蒋丽莎）希望佢哋每人可以有个独立房间。新屋有6间房，对比旧屋多两间房，对我哋六口之家嚟讲系最好嘅安排。”

挨到病都要开工

其实一家六口并非有空间就可解决问题，疫情期间要两边往返的陈浩民，因要自我隔离而未能看顾小朋友，难为Lisa照顾4名子女之馀，还要日日在家做数小时网上直播“带货”，即使月前因病卧床亦要继续“带货”，如此搏命吸金，实在令人佩服！

陈浩民日前偕Lisa受访，他大赞这位“超级老婆”：“疫情期间工作量或多或少受影响，好彩太太同平台合作直播带货，帮补唔少。我仲要赞佢工作分配能力超强，佢One man band冇助理、冇梳化、冇FM，由拣货到写稿全部一脚踢，仲要照顾埋‘四大天王’同埋我呢个老公，喺我眼里简直系超人！”​