谢东闵嬲完朱智贤佛系“逃分”

etin

谢东闵自女友朱智贤偷食“人夫”后，首次就事件接受专访，开腔剖白当时心情及现时与女友的关系。他坦言暂没打算结婚，但仍视朱智贤为陪他走下去的伴侣，又否认女友“拜金”：“佢拜金点会同我一齐呀！我都冇楼！”


艺人谢东闵（Brian）因女友朱智贤（Ashley）偷食“人夫”黎振烨而成为全城焦点，其后他化身“绝世好男友”站出来陪女友认错。Ashley至今仍停工收拾心情，而Brian日前到电台受访时，指与女友“分居”关系疏离，疑似分手！对此，Brian澄清二人还是情侣：“我由头到尾都冇话同Ashley同居，咁何来分居呢？（话你买千万豪宅娶佢？）我都想买呀！我同佢有见面，同之前一样，我会睇住佢、支持佢，一直都做紧，大家互给正能量。（冇分手？）冇！”

“有一刻一定会嬲”

Brian指双方现时关系很好，女友心情亦已平复：“佢有做瑜伽，我哋会一齐行山、做运动。（佢会唔会心急想出番嚟做嘢？）我完全冇问过，到佢自己想或者公司安排，咪自然出番嚟啰！佢唔心急嘅，我都有同佢讲，唔使太急呀！”

问到得悉事件当刻心情如何，他不讳言：“咁唔开心一定会有，但坦白讲，嗰一刻我只系谂点样可以帮到佢，件事都发生咗，谂吓点样令佢可以面对公司、大家。（佢背叛咗你，唔会好嬲？）一刻啰！有一刻一定会嬲，但再嬲就冇意思。（好理智。）唔系，因为都要解决，唔系就唔够成熟。（大家个信心仲喺度吗？）如果你再咁谂，大家就好难继续行落去，唔好谂！唔好提！我哋都唔会再提呢件事，只会谂继续向前行，其他都唔重要。（点睇黎振烨？）呢个唔讲喇，过咗去。（有冇谂过见到佢会点？）真系冇谂过，都过咗去。”

“结婚唔重要”

事后有关两口子的新闻未有平息，Ashley更被指“拜金”，但Brian断然说：“冇！佢绝对唔系啲咁嘅人，佢拜金点会同我一齐呀！（你都系笋盘，有钱仔喎！）我唔系有钱仔！我一定唔系穷，但我唔系有钱，我冇楼，香港楼价咁贵，我冇谂过买，只系想自己开心，开心健康最紧要。”现年34岁的他坦言未想过结婚，更觉得结婚不重要：“只系一张纸嚟，最紧要一齐开心，同埋知嗰个人系唔系可以同你一齐行得远嘅人，自己心里面知就得。（咁Ashley系咪？）暂时都系。”