【疫情反弹】陈豪陈茵媺“家居露营”概念咩玩法？

etin

新冠肺炎疫情严峻，艺人陈豪与陈茵媺一家五口，都尽量减少外出到人多地方，确保安全。疫情期间又想亲子乐，陈茵媺谂到新玩意，就系玩“家居露营”喇。佢喺屋企入面搭咗个营幕，一家人喺入面睇书、讲故事，真系好温馨。佢仲整咗好多不同美食，凼到班小朋友好鬼开心，佢话：“由于目前的情况，我们推迟了度假计划，并决定从周日起在我们的居室里进行‘野营旅行’，以减轻小朋友的失望。每天都有‘野营食品’和户外旅行。谢谢，天哪，他们正在（兴奋得）爆炸我也是。”

为咗减低人流以避免传播，政府日前推行咗食肆“晚六朝五”禁止堂食。搞到啲艺人个个化身大厨，自己顾自己留喺屋企玩煮饭仔。傅颖就整咗个“日式蟹柳冷面”，一人分量，简单又饱肚。林晓峰就自制“麻辣蒟蒻粉”，仲自夸好好味添。而已为人妻嘅李漫芬就煮咗三餸一汤，有金沙骨、鱼、同炒菜，仲有粉葛红萝卜猪骨汤，大显身手。而艺人刘威煌就简简单单煮咗个蘑菇饭医肚，卖相唔错，味道唔知。少爷占就帮仔仔炮制咗个“杧果柚子蟹肉沙律”，健康又美味，正呀喂。​