生得高都系错？连诗雅自爆畀人欺凌

etin

歌手连诗雅（Shiga）到电视城录影《明爱暖万心》，身穿5吋高踭鞋的她“高上加高”，但她自爆小时候不想咁高：“读书嗰阵畀人欺凌，成日畀人话我高到可以换电灯胆，女同学唔锺意同我玩，觉得我高傲，但其实好多人同我相处过后，就知我表面好似好cool，但其实为人傻更更、论尽。”她又自嘲初出道较“大只”：“因为又高，所以努力修身，旧年拍《那些我爱过的人》时系最fit，上镜啱啱好，又有腹肌，但依家就变咗一团肉，因为之前少咗工作。”

她坦言疫情期间很多工作都取消：“上年年尾至今年年头一路都有取消，前两个星期有番啲广告，但依家疫情反弹，啲工作有少少延迟，但都冇法。”她又谓现时要扑粮食和口罩：“屋企嘅钱同事无大小都系我负责，换灯胆、厕所通渠都关我事。（有冇搵绯闻男友陈家乐帮手入货？）自己啦，我识揸车，唔锺意麻烦人哋，我系独立女性，我买防疫物品都有心得。（咁你会唔会调转帮番佢？）如果朋友有需要都可以帮佢买，但暂时冇收到要求。”

另外，加盟新唱片公司的吴业坤表示今次是首次唱新歌《原始心态》：“希望有新形象畀大家。（咩新形象？）经历咗七七四十九关历练后，我去新地方重新出发，又剪咗头清爽短发。”而讲到绯闻旧爱Aka被狗咬伤嘴唇要鏠针，问到可担心她会破相？他坦言：“我第一念头都有咁谂，睇吓有冇认识啲医生朋友可以畀意见佢，尽人事帮手，大家系朋友，希望尽快康复。”​