囝囝生疮仔 陈山聪睇见都心痛

etin

艺人陈山聪在电视城为新剧《超能使者》开工，透露囝囝刚好12朝，故可以大派姜醋。他又谓现时拍剧差不多日日都是天光才回家：“依家又疫情严重，会做好防疫措施，会冲埋凉先返屋企，感觉好啲，所以我依家喺公司自备咗个走佬袋，入面有毛巾、衫、拖鞋、冲凉用品。”他又笑言现时等埋位、化妆时都会开电话睇住囝囝：“不过佢依家净系识食同瞓，我每朝起身或番到去都会抱一抱佢，感觉好奇妙，佢仲未识反应，我就好似个傻佬咁。”

问到现时可会挂住囝囝不舍得番工？他表示：“咁又唔会，不过会叫佢乖乖地，唔好搞妈咪同陪月姐姐，不过佢都乖嘅，系有时会扭抱，唔系会叫。（咁你就会抱？）抱，我都唔抱得边几日。（会纵坏佢？）见到佢喊我就心软，同埋我好少见，依家一日都系见得一个钟。（会唔会同太太争抱？）唔会，佢会畀我抱，佢都成日抱。”他又大呻囝囝早几日出疮仔：“因为食人奶会有啲荷尔蒙问题，我好心痛，见到佢有啲好似暗疮嘅嘢，所以叫医生开咗少少敏感药膏畀佢搽，即刻靓仔番。”

他又透露囝囝改了中文名“陈霆轩”：“我本身好锺意个轩字，想第时有小朋友就帮佢改呢个字，有个长辈帮手改名，畀咗几个字我哋拣，咁啱就有个轩字，希望佢好似呢个名咁man啲、硬净啲。”他又笑言太太有想过改个“曦”字：“但我话如果第时囝囝要罚抄个名嘅话，就会怨我哋。”