边个咁狠心？江嘉敏遭TVB重锤手掴到呆

etin

艺人江嘉敏日前现身东区裁判法院外，为无綫新剧《七公主》拍摄外景，她剧透谓因为做错事而要上庭，但竟然迟大到，问到私下都经常迟到？她即笑话：“我个人唔迟到㗎！可以问吓啲监制，我好准时，哈哈！”

新剧开拍数月，嘉敏自爆暂时分别被两个人掌掴，第一个是饰演其姊的黄翠如：“佢同我讲唔识打人，拍嗰阵佢都好惊，但佢打得唔痛嘅。”续谓第二个是“重锤手”：“有位演员掴我一巴就真系痛，系利颖怡！佢打开Boxing，剧情讲我坐监嗰阵，唔服佢做大家姐就被掴，当下我嗰反应系真㗎，因为都有啲力度！（耳仔有冇听唔到嘢？）我系呆咗唔知做紧乜，好欣赏佢咁大胆拍落嚟冇NG，后尾佢都有同我讲唔好意思。”

问到之后剧情可有反击机会？嘉敏打趣话希望打破“定律”：“发觉监制好锺意我被人打，通常我都系被人打、被人追、被人杀！”又指虽然最近外景、厂景两边走，但一有时间都会收睇有份演出的热播剧《杀手》，并“大呻”各人都给予同一意见：“入面我要讲普通话，都有问番屋企人同朋友我嘅表现，点知佢哋一致话我嗰阵瘦好多，畀监制养肥咗！”​