林夏薇逼老公睇亲热照

etin

艺人林夏薇（薇薇）在电视城为剧集《七公主》开工，她透露要连续拍十日，戏份都比较重，而且情绪起伏大，连声音都有点沙哑，她说：“最后几日系要好崩溃，个景会畀我破坏，仲要声嘶力竭，喊到冧人同冧楼。如果完成咗对我系好大挑战，逐一击破。”

她自言之前拍了另一场要除衫揽着徐荣的戏份，连化妆师看完都话她搏命，问到拍摄当日有否清场？她说：“冇清场，工作好专注，投入咗个角色入面，场戏唔系色情，而系好感动。我有做足防走光措施，因为怕走光影响感情戏。（有冇同老公备案？）我拍完有畀张相佢睇，佢话我黐线，畀呢啲佢睇，因为张相系我唔着衫揽住第二个。我每次拍亲热戏都会逼佢睇，有时睇电视，佢会行开唔睇，但我要佢睇番。我冇理佢感受，哈哈！（佢会唔会呷醋？）唔会，佢好支持我工作。”

她又指因爲要投入角色，故开工时跟丈夫分房睡：“因为我嘅戏好沉重，加上我拍到朝早先返到屋企，唔想影响佢嘅睡眠，我有时拍到情绪起伏好大，大家唔好太近都系好事，否则影响角色塑造。”她指不用开工时会多陪丈夫以作调节。​