惊爆“订婚”！陈家乐用一包饼攻陷囡囡心

etin

艺人陈家乐、卫诗雅、郭奕芯及朱栢康等出席电影《不日成婚》开镜，由英皇老板杨受成带领上香及切烧猪，场面热闹。家乐与卫诗雅受访时，竟爆出家乐“订婚”消息！卫诗雅笑谓：“今次系我带呢个剧本畀公司嘅，所以要做到最好。我邀请咗4岁嘅姪女参与演出，佢昨日开工有板有眼，收工仲喊住话想继续演，佢话大个都要拍戏，因为佢老公系陈家乐呀！”家乐接口谓：“两年前用一包饼搞掂咗，大家‘订咗婚’，佢个姪女真系几可爱，我都锺意凑佢。”记者打趣小朋友可有因家乐绯闻呷醋，卫诗雅表示：“好彩佢未识字咋。”

今次戏中卫诗雅将大跳钢管舞，日内将拍摄的一场戏，令她大为紧张：“通花喱士装，我自己喺屋企都唔会咁着，之前着住练舞，工作人员话唔认得我！”为保神秘感，家乐未有被安排前往探班，导演想正式拍摄时捕捉其反应。问到家乐感觉时，他说：“都惊㗎，好似家姐喺我面前咁，不过我哋两个熟到真系似家人，拍咀戏好似锡紧自己手臂咁。（睇完唔惊人呷醋？系咪要备案？）冇啲咁嘅嘢。”今次戏中二人未有亲热戏份，但终于Happy Ending，卫诗雅笑说：“合作咗3次，头两次都冇好结果呀。”​