《爱回家》苏韵姿吊威吔吊烂胳肋底

etin

《爱回家之开心速递》剧情一向都令人意想不到，深受观众喜爱。昨晚一集，“熊心如”苏韵姿意外获得超能力，化身超级女英雄。首次吊威吔兼拍打戏，虽然有打女何佩珉做替身傍实，但拍摄期间佢亦下了不少苦功，其后佢喺社交网大晒战绩，见佢两边腋下位置都有红肿及瘀痕。好多粉丝见佢伤痕累累都话好心痛呀！

佢仲留言：“我第一次有得吊威吔同埋第一次拍打戏。今次嘅体验令到我发觉原来⋯我好锺意㗎！今次绝对系我做演员其中一个梦想，非常开心可以实现得到！要超级多谢监制，导演，武指，替身，pa's，所有当日令到拍摄顺利嘅人，因为我谂我成世女最型系今次㗎啦！ #如梦如幻 #我的超能梦想成真！”

苏韵姿接受访问，佢话好开心有今次拍摄机会，觉得动作戏很适合自己，佢话：“其实一啲刺激嘅运动几啱我性格，所以我真系想向呢方面发展一下，我仲已经抄咗何佩珉牌，要跟佢拜师学艺，希望可以学好身手。”有网友觉得苏韵姿好像比以前消瘦，佢话：“我知道会有呢场戏之后，都有特登去Gym Room做运动，再加上天气热啦，所以瘦咗少少。”​