7.1择日剖腹出世 陈山聪怕疫情唔搞百日宴

etin

艺人陈山聪荣升爸爸后，昨日下午现身坑口，复工拍摄无綫新剧《超能使者》。人逢喜事精神爽的他透露儿子Jaco择日后于7月1日剖腹出世，中文名打算留给长辈决定，而英文名由单立文夫妇帮手，当中包含了山聪与太太Apple的英文名字母，可谓意义相当。

问到会否举行百日宴，山聪坦言：“因为疫情应该唔会，不过BB百日嘅时候好近我生日，应该会成家人食餐饭、切蛋糕，简简单单咁庆祝吓。（乘胜追击？）唔会嘞，等我安顿好佢先，或者等佢一、两岁啦，我都系睇头啫，最紧要我老婆决定，辛苦嗰个系佢！”

有五个契爷

谈到BB出世时，山聪指太太非常冷静：“佢结婚都系咁，我就着咗保护衣入产房后，开始泪如泉涌。都是手攞住两部手机想拍片，好彩护士姐姐帮手。（剪脐带感觉点？）好似剪粉肠，我OK嘅。”山聪透露在医院时曾帮手扫风，对日后帮手照顾孩子信心十足，问到打算如何奖励太太，他直言：“冇呀，但会畀佢同BB个幸福快乐嘅生活，同埋疫情后好想一家三口去旅行，日本同泰国都系首选。依家BB已经有五个契爷，包括吴卓羲同郭政鸿。”