蔚雨芯拍戏误伤大姐大惊到脚软

etin

有“魔鬼胸”之称的性感女星蔚雨芯在演戏路上经验有限，自爆一次拍戏时误伤一位前辈女演员只眼，一向敢言的她吓破胆，众目睽睽之下被前辈“的”她行埋一边“训话”，令她大感尴尬。她难忘对方的气场，害她的弱小心灵大嗌怕怕。


去年底加盟无綫成为亲生女的艺人蔚雨芯（Rainky），先后亮相过《流行经典50年》、《#后生仔倾吓偈》，虽然忙于打理其自家美容品牌，但今年她的目标是拍剧演戏。演戏经验不多的她，有次拍戏几乎开罪一位前辈女演员，当年她返内地为一部网络电影客串演出，她说：“我都好尊重佢，但同佢拍嘢时，佢成日望住我，我好惊佢啲眼神，好奇怪，可能佢觉得我香港女仔嚟有啲唔同，系咁望住我，搞到我好唔自在，感觉唔良好。”

当日话说与前辈要拍一场跳舞转身的戏，她详述事发经过：“我只手转身时要摆上去嘅动作，系一个舞步嚟，咁啱佢冇试走位，可能因为佢系大前辈，唔紧要啦，我就试咗走位嘅，佢一嚟就action，点知我只手唔小心笃到佢只眼喎，哗！嗰吓我几惊呀，惊到成个心跌出嚟呀大佬，跟住佢就嗌：‘哎吔！好痛！’全场静止咗，佢痛紧嗰个戏起码有一分钟，佢痛嗰吓我形容系戏啦，佢可能真系好痛，之后工作人员走埋嚟问佢有冇事，我就好惊企喺隔篱，一路系咁讲sorry，真系唔好意思呀，我好惊佢以为我特登，之后隔咗阵，佢的埋我一边系咁问我啲私人嘢，系好奇怪喎，因为在场好多人睇住，嗰个位我系觉得好尴尬，系有啲唔舒服。”

被人戴有色眼镜睇

17岁就选港姐的Rainky，入行多年未试过不被尊重，她笑说：“可能我入行以嚟都硬净，变咗好多人唔够胆恰我，但我都唔会恰人，我都礼貌对人，人哋先会对我好，我谂系得嗰次感觉唔系咁好，又系我嘅错啦，又系佢大前辈太过压场，令到一啲后辈惊咗佢。”她笑言打后几日再与前辈碰面，对方好“正常”，但她尽量避开：“好惊呀！佢气场太劲，我初头以为佢好可爱、好搞笑，但原来佢有好严肃嘅呢一面。”

被封“魔鬼胸”的她形象性感，她坦言有人会用有色眼镜看她，曾经有唱歌监制觉得她一定要行性感，如果她不性感是错的，因为觉得她要定位，更加要去到尽，她说：“佢话我出到嚟就系要sexy，人哋观众就系锺意睇你呢样嘢，你点解要收埋呢？”但同样有人觉得她不应该再sexy，清清纯纯就好了：“唔同嘅声音听得边个啫，我成日都话做番自己，我着衫唔系衫着我，我锺意嗰件衫系sexy我着得好睇咪得啰，我觉得今日我唔需要sexy，我咪着得密实啲啰！”她坦言喜欢性感的服饰，尤其喜爱欧美服饰：“我觉得我都着到，你叫我扮可爱我真系唔得嘅！”

被约做不道德交易？

圈中有好多女星搵快钱的谣言，她坦言听过好多，以前有经理人帮她挡：“依家有无綫更加冇人直接问我，我觉得问我嗰个都需要好厚面皮，圈中好多人都知我男仔头性格，喺网上平台私讯我，一日都收到百几个留言，嗰啲就唔使理，所以我真系冇试过兜口兜面叫我去饭局或者做啲不道德交易，啲朋友形容我笑容好魔性，我真系一个好豪迈嘅女仔，畀钱我就得？黐线嘅，冇可能，不如我畀番钱佢呀。”