陈山聪升呢做老窦 亲自为B仔剪脐带

etin

43岁陈山聪做爸爸喇！佢喺社交网晒出一家三口合照，佢留言：“人生马拉松中最美丽的画面，感恩。#daddy希望你成为一个充满正能量健康快乐顶天立地的男子汉”陈山聪透露B仔英文叫Jaco，系单立文夫妇起嘅。真系好有爱呀！

陈山聪受访时，仲话亲自剪脐带，透露B仔重7磅1，BB鼻翼好阔，耳珠好长，好有“福”相，佢话：“入医院时唔紧张，喺产房等老婆时，已经忍唔住流下爹哋泪，呢种感觉好奇妙，入到去拖住老婆只手，佢真系冷静到一个点，佢叫我镇定啲唔好喊，跟住医生好快拎BB出嚟，B仔喊咗几声，之后即刻笑，阿仔好锺意笑。”佢又话帮B仔剪脐带时，系人生最开心嘅时候！佢又感谢《超能使者》监制文伟鸿嘅帮助：“因为仲有几个景要拍，佢都好尽量调动，生时佢放咗我两日假，之后拍两日通宵，喺医院瞓咗一阵，就接咗两母子返屋企。”