汪明荃冇做过港姐司仪 因为郑裕玲耍手段？

etin

港姐又嚟喇，实体决赛将会喺八月尾举行。艺人郑裕玲（嘟姐）长期为港姐做司仪，但另一镇台之宝汪明荃就未做过，究竟系点解？农夫爆料畀你知！

话说新一辑嘅《Do姐有问题》，当中有条问题系“汪明荃从没担任过《香港小姐竞选》嘅司仪”，主持C君就爆料：“我记得我哋一齐做港姐司仪时，份稿系叫我哋问你︰‘嘟姐，点解阿姐咁多年都冇做司仪？’你就话︰‘喂，唔好问呢个问题啦’，仲迫个撰稿员改咗份稿。”嘟姐即时话：“系咩？我点解要咁做呀？”陆永即补刀：“好似话系你当时用咗啲手段，搞到阿姐冇得做，一定要你自己做晒，嗰时系咁讲！”嘟姐听完嬲到想除鞋掟佢！

不过，农夫讲嘅嘢都系得啖笑，唔系事实嚟！但汪明荃真系一直都冇做过港姐司仪，真相究竟系点呢？​