佗B老婆大晒！陈智燊辅助宋熙年下厨好帮得手

etin

艺人宋熙年（Sarah）现正怀有第二胎，出名廿四孝嘅老公陈智燊（Jason）当然照顾周到，一有时间就会留在家中陪老婆。呢日佢哋就一齐拍片下厨，教大家炮制海南鸡！当中Jason对老婆锡到燶，任何拎鸡、浸鸡、斩鸡等粗重工夫都一手包办，而Sarah亦大赞老公斩鸡确系有一手：“斩鸡系陈生嘅强项，佢唔识煮嘢，但斩鸡真系好叻，大家可以先睹为快，睇吓陈生嘅斩鸡技术，真系出神入化！”见Jason唔使两三下手势，就将成只鸡斩件，仲好整齐咁摆盘，卖相望落同餐厅有得挥，果然有料到！佢哋更即急不及待争住食，仲食到津津有味咁，睇到一班网友流晒口水。​