解答爱的疑惑 汤洛雯晒定情手机壳

etin

“明汤恋”爆出后得到全城祝贺，正当大家都深深跌入汤洛雯（靓汤）同马国明设计嘅爱的粉红圈套时，有眼利网民发现，点解次次撞破佢哋两个拍拖，夏热天时，靓汤都系着住长衫、长裤，唔系应该为大家带来美腿？相信靓汤收到晒大家嘅疑问，好细心咁喺社交平台一次过解答，原来当中系有苦衷﹗

靓汤话最近呢几个月都拍紧外景，差唔多咬到全身都系蚊烂，着多啲衫都系为咗遮住喺手脚上面嘅恐布疤痕，唔想因为啲疤痕而吓亲大家，仲无奈反问︰“有哪个女生夏天不想穿裙子呢？”然后再Post出证据，大晒蚊烂相，Sad爆话依家啲蚊就连蚊怕水都唔惊！

睇怕男友马国明见到一定好心痛，即刻呵番靓汤，转个头，靓汤已经心情大好，去扮靓靓整指甲，仲不经意咁泄蜜，成个KOL咁拎住部电话骚新甲色，见到电话壳一分为二，左边有只骏驹写“YOU”、而右边就有只独角兽写住“ME”，讲到呢到，大家都应该好心水清，知道靓汤锺情独角兽，咁“YOU”就即系代表马国明，认真甜到爆！​