得力经理人牛一 佘诗曼点为佢庆祝？

etin

艺人有个得力嘅经理人，真系可令佢事业事半功倍，近年喺大陆爆红嘅佘诗曼，为咗答谢佢经理人陈易遥(Joanne)多年嚟嘅帮助，趁Joanne生日，阿佘特别为佢搞咗个迷你生日派对庆祝，佢仲将相片放喺社交网上同大家分享。相中虽然得四个人庆祝，但都十分隆重，除了有蛋糕，仲布满特色气球，令气氛更热闹，阿佘留言：“谨慎地帮我安排工作，不眠不休的解决问题，永远围护着开心的工作气氛，最厉害的是不介意体重步步高升的陪我们一起狂吃，我可爱的经理人、合拍的工作伙伴，最好的朋友@JoanneChan陈易遥生日快乐！祝你永远健康快乐！”​