天生“虎鼻”唔使整 黄翠如嬲猪：唔好屈我！

etin

​艺人黄翠如、连诗雅（Shiga）到电视城出席剧集《那些我爱过的人》宣传活动，讲到Shiga下周一32岁生日，她表示要开工拍广告，而翠如则谓因爲之后要连续11日开厂，故提早帮对方食饭庆祝。两人又笑言一星期已见了3、4次，感情已很深厚，问到可会分薄对老公萧正楠的时间？翠如笑言：“佢啱啱拍完剧，可以开始打理下啲家头细务。”

讲到生日愿望，Shiga希望疫情尽快过去，因为不少朋友因隔离令而不能见面，问到绯闻男友陈家乐可有约她？她即避谈：“未知生日会做咩，但会同公司同事庆祝，周柏豪都会嚟。（会唔会叫陈家乐嚟？）唔啦，我哋系公司自己庆祝。”

而讲到翠如被传整容整到“木偶鼻”，又与好姊妹唐诗咏一起整容，她即否认：“我从来都唔系行斗靓嘅路线，大家可以睇番我以前有线嘅节目，同埋我最靓就系个鼻，妈咪由细到大都赞我系‘虎鼻’，有福气，我100%冇心虚答你哋，我一定唔会郁我个鼻，唔好屈我！”问到可会整其他地方？她笑言：“其他地方老咗我唔敢包。（因为呢件事好嬲？）冇嘅，我喺负面新闻下长大。（当帮剧集宣传？）ok啦，都唔系第一次。”而Shiga亦帮口，表示翠如不贪靓，她曾为对方介绍facial，但对方一年都未去做。