吴若希闹老公澳门收埋女人

etin

不时闹爆老公何兆鸿（Alex） 的吴若希（Jinny），等了4年终于推出全新专辑《爱情无 价》，当中大部分歌曲都跟Alex有关。她借歌向老公开火，无綫热播剧《那些我爱过的人》插曲《没有你并无挂念》，讲述婚后一个相熟朋友见她有美满家庭而戥她开心，Jinny承认记录了与旧爱的故事：“当时大家都唔成熟，突然间喺我生命入面消失，好可惜我哋最后冇一齐到，可能有 一份遗憾，但都代表嗰个人某程度喺我心目中 系有位置。”不过二人现时依然是好朋友，经常会见面。


死都唔介绍

她认为每个人都有过去，老公亦认识她这位旧爱，Jinny乘 机暗寸老公：“梗系有介绍啦！（你老公好大方。）我都接受佢嘅过去㗎，佢嘅过去仲曾经同我重叠添，我都唔介意啰， 佢凭咩介意我嘅过去？都唔同佢重叠嘅。”随即踢爆Alex收埋一个“闺蜜”，她爆阴毒笑说：“我同老公最大分别 系，我觉得冇嘢，光明正大嘅时候，咪介绍嚟识啰，就 算我同嗰个人玩得几亲密，我哋都知道系当对方系好好 嘅朋友，但佢（Alex）冇㗎，到依家佢有个神秘闺蜜 都未出现㗎。”

她坦言只知老公的闺蜜是澳门人，见过对方照片：“但暂时我未收到任何关于嗰个闺蜜嘅任何邀约， 我觉得既然闺蜜咁Friend，都唔介绍嚟识吓， 唔系好得！一路都话要介绍我嚟识吓啦，但佢唔介绍，唔知点解！（佢刻意收 埋？）我唔知佢系咪刻意收埋，可能人哋真系唔得闲。（系咪 同你重叠嗰个？）唔系，重叠嗰个系第二个。（可能人哋唔想 见你？）都系，似人哋唔想见我，如果唔系都唔会约咗咁多次 都推啦！”

愈讲愈兴起的Jinny继续咬住老公唔放，笑言新歌《麻醉》 正是她发现老公过往“一脚踏两船”的心情，主动重提当年Alex疑 劈腿，同时送两扎花给两个女人：“嗰时我同佢拍拖几个月，我问 咗佢好多次，你有冇女朋友呀？有冇不停花弗呀？你早少少同我 讲，我识得点样答人哋（记者），但你咩都唔讲，由人哋把口知 咗，系嬲到癫咗。”她还记得当时与Alex由泰国旅行返港，刚承 认恋情，但对方即被爆一脚踏两船：“我话同你唔会分手住，因为啱啱承认你呢个男朋友，即刻同你分手，外界会觉得你唔诚 实，呢样嘢对Alex唔系咁好。所以我话如果你想继续行落去，希望未来日子你畀番啲信心我，嗰段时间就正正系歌词讲嗰句 ‘演好一对情侣’，我仲记得录呢首歌时系崩溃喊住唱。”

赞细心好脾气

Jinny看似毒舌成日闹老公，其实口不对心，她说： “佢系一个好照顾到我心灵上面嘅人，可能我唔开心时， 觉得有佢喺度已经好满足。虽然佢有缺点，但佢脾气好，对我做一啲好Sweet嘅嘢，佢似细心老婆多过我。 佢最好一样嘢系畀到家庭温暖我，唔系净系畀咗佢呢个人我，系畀咗佢爹哋妈咪我，老爷奶奶好锡我。佢亦畀咗个我好锡嘅小朋友我，呢样系钱买唔到。”

另外， 她早前接受电视台访问，提到经常闹老公，她笑 言：“用温和嘅方法对男仔系冇用！佢依家唔同 咗，但仲有进步空间。记得上一胎我临生 前，喺医院姑娘叫佢唔好瞓，话你太太就 生，佢竟然继续瞓，嗰下我好嬲！ 好期待今胎佢会瞓到只猪咁。”