胡杏儿细仔1岁生日 竟然畀小鲜肉抢晒镜？

etin

艺人胡杏儿为老公李乘德（Phil）诞下两子，唔经唔觉细仔李奕霖（Ryan）前日原来已经1岁生日，之前见佢同两岁半阿哥李奕霆（Brendan）身形一样咁大件，真系一样Cute到爆。今次杏儿喺社交网大晒Ryan生日P嘅全家福，Ryan红当当上阵非常抢身，估唔到Brendan更以Ironman造型见人，打扮用心抢晒镜，佢两个简直就迷晕全场！

杏儿发文大爆今次系Ryan 1岁生日会，亦系老公第一次同两个仔过嘅父亲节，加上Brendan今次有得玩Cosplay，扮佢至爱嘅英雄角色Ironman，真系一家四口都咁幸福！睇真啲，今次生日派对上Ryan原来系扮紧蜘蛛侠，身后嘅布景版同蛋糕上都有唔同嘅英雄人物，似乎两兄弟都够晒热血，人仔细细就迷上英雄角色，唔知佢哋第时大个会唔会都一样咁有正义感呢？