翟威廉逆市开铺陈庭欣撑场 周志文认刘佩玥上楼饮汤

etin

艺人翟威廉于佐敦投资日本清酒小店，昨日正式开张，除了翟妈妈及哥哥现身支持之外，更获八方好友力撑，如前绯闻女友陈庭欣（Toby）、周志文、周志康、苏皓儿、张名雅等，而罗天宇就玩“快闪”祝贺，疑似避开记者追问旧爱汤洛雯有新恋情一事。

逆市开铺唔担心

仪式后，翟威廉跟周氏孖仔受访，记者恭喜翟威廉做老板时，他谦虚笑话：“其实大家都系老板，佢哋都夹咗好多，不过我哋冇计嘅。（冇计到时点分花红？）分到大家开心，佢哋都争住唔攞咁多㗎，畀钱我㗎，哈哈！（咁你自己投资咗几多？）都一样冇计，可能连埋装修就几十万。”逆市开铺怕受影响？他指唔紧要，因为早已有零售决定：“呢个系Happy Live升级，之前一直做批发生意，疫情期间都少咗生意，但原来啲人系会买酒返屋企饮，依家各行各业都艰难，互相支持。”

旧爱陈庭欣不避嫌撑场

讲到Toby有来撑场，翟威廉抵死话：“佢梗系要嚟啦！佢有咩我都会撑佢，上次佢唔见雀我都有份帮佢搵，如果佢唔嚟，我就会讲呢件事，哈哈！大家都系好朋友。”有指他为开铺悭到尽，悭租屋钱瞓新铺，做前铺后居，他闻言笑话：“系因为Keep住做嘢，做唔晒先留喺度瞓，上面就系直播室，而屋企都系距离新铺3分钟。”另有传他想全职做生意而不与无綫续约，他澄清一定会续约：“做生意都需要艺能界嘅人气，系为成个团队着想，如果为自己就真系抖吓，同大家合作系有份干劲。”

周志文证刘佩玥陈滢冇反面

另外，周志文绯闻女友刘佩玥（Moon）被影到登门拜访，其后女方于出席活动时大方承认有上屋企，周志文指：“佢上嚟屋企饮汤，拍剧都辛苦嘛。（有传Moon因为你同好姊妹陈滢擘面？）系咩？我冇睇到呢单，佢哋两个好Friend。（你同陈滢都Friend？）都Friend，佢依家喺香港？”即被记者取笑不留意好友动向，然后翟威廉出面助友：“我就有留意呢！因为不时都要搵唔同Artist直播，相信如果搵佢做嘉宾啲Fans会好开心！”