古巨基囝囝4个月识讲I Love You

etin

今年是古巨基47年来最难忘的父亲节，皆因首当爸爸的他，有比自己更重要的囝囝Kuson陪伴度过。回想凑仔的日子，虽然超过180个夜晚“冇觉瞓”，但抱着“另一个自己”时，触摸到其手汗，第一次听到囝囝讲“I Love You”，甜到他有重拾久违的初恋感觉。


现年47岁的古巨基一索得男，去年底太太Lorraine于美国秘密诞下Kuson，转眼间“金叵罗”已半岁大，“有子万事足”的他自言今个父亲节很特别：“除咗父母、太太外，感觉呢个世界多咗一个人系比自己更重要嘅，佢郁少少、叫少少，我就好想知佢有咩问题，想帮佢解决。”昨晚他已提早庆祝父亲节，相约父母及胞弟一家享受三代同堂之乐，而今日的庆祝节目就是过三人世界：“同太太一齐凑仔。”问有甚么说话跟囝囝说？他表示：“想同佢讲I Love You。”随即自爆一件超感动的事，他曾对当时约4个月大的囝囝说“I Love You”，竟获“爱的回应”：“佢跟住讲‘I Love You’，（好神奇喎？）虽然佢只系𦧲𦧲脷讲BB话，但我当佢识讲㗎啦！”

帮仔扫风似初恋

基仔又分享当奶爸的辛酸，指囝囝出世后，自己全职负起通宵喂奶、换片重任，至今已逾180夜不敢“瞌眼瞓”：“我晚晚坐喺佢床边，见到佢曾经趴住瞓，所以全程𥄫实佢，我怕佢唔识转身会焗亲，等到工人姐姐朝早嚟接更，我先敢返房上床瞓。”问是否辛苦过拍戏及做唱片？他指歌手会视自己的作品为“BB”，对于Kuson而言，他更形容为“呕心沥血”之作，不过每次看见囝囝的笑脸时，承受的眠乾睡湿也感值得。笑问他是否很久没有与太太同床？他哈哈大笑说：“又唔系，老婆有时会陪我哋两仔爷，挨到凌晨3点几佢先返房嘅。”他又赞囝囝是乖BB，很少扭计大喊，令新手父母有好日子过。

有谓囡囡是爸爸的“前世情人”，但在Kuson身上，基仔仍有种“初恋感”，指半夜喂饮夜奶后，跟手就会帮囝囝扫风，虽然有时抱到手攰，但感觉如抱着初恋情人：“好似大家坐喺海边，佢挨落我膊头瞓着咗，嗰时就算畀人枕到手痹，背脊有几痕，因为唔想整醒佢，所以郁都唔敢郁，感觉好初恋。囝囝虽然唔系女仔，但我总系觉得我哋前生已经有种关系。”

手汗多十足“自己友”

基仔又指囝囝完全是另一个自己：“佢个样愈大愈似我，身形都系高，比同龄BB手脚较长外，同我一样有手汗，一摸到佢只手仔湿湿地，就知系‘自己友’。”原来基仔父子手汗大是遗传自爷爷。谈及和囝囝最难忘的经历，他第一时间表示是打针，自言与太太视囝囝如心肝宝贝，但目击囝囝被针拮时最心痛：“BB要定期去医生度检查同打疫苗，打针个感觉好似系亲自带佢去接受痛楚，古太直情唔敢睇添！”