【首度公开】蔡思贝同麦秋成挞着及分手原因

etin

蔡思贝接受电台访问，指因偶像是张曼玉，因此目标是当演员，选美后即时有机会拍剧，令她兴奋开心至冲昏头脑，令整个演艺事业由撞板开始：“不单拍剧，对人对记者都撞晒板，最初我活喺自己嘅世界唔理人，喺化妆间唔会同人打招呼，亦唔会微笑，好多人指当时嘅我很寸，好不可一世，其实我根本唔识处理，以为自己有戏演就足够，点知出来系‘一pat屎’。”

5年前首当女一剧集《冲线》之后，蔡思贝面对负评更多，尝试正面面对压力，审视自己不足跟甄咏蓓学演戏，但压力累积导致她不知不觉间患上情绪病，直至跟张卫健合作《大帅哥》才求医。她说：“系拍完《大帅哥》做宣传时，健仔察觉我情绪有问题，再介绍医生畀我先知患咗躁鬱症，系会忽然到爆喊同透唔到气，有个阶段我瘦咗一截，系因为情绪病影响甲状腺素超标，要一边医，一边调整心态。”

依家单身

蔡思贝坦言自己洋化男仔头性格，入行后不会对异性避忌，导致绯闻名单一大箩。当中排舞师麦秋成、洪永城、王浩信、张振朗、以至最近期的余德丞及胡鸿钧，统统被指是其群下之臣。她坦言：“我返港后，只系同麦秋成拍过拖，其馀都是好朋友、好拍档，如果大家心水清，胡鸿钧当年有和我一起演《冲线》，我、余德丞同佢经常三人一齐吃饭！我依家系单身。”

她更首度公开与麦秋成相识经过及分手原因：“秋成系一个好男人，是初入行喺studio影完杂志相，化妆师朋友请我留低参加圣诞派对认识。佢走进来同我倾偈，好浪漫咁讲：‘喺整个场合只睇到我一个人！’我哋系做咗九个月朋友先开始拍拖，分开系因为他想稳定，要照顾我，而我刚刚入咗呢个梦想嘅演艺行业，唔想咁快稳定，大家追求唔一样。”坦言至今与麦秋成仍是好朋友，双方仍有联络。