爆唐诗咏多人追！黄翠如护闺蜜：我叫佢慢慢拣

etin

艺人黄翠如和林文龙昨日在电视城为无綫剧《那些我爱过的人》宣传。对于剧集反应比预期好，林文龙称都想有好成绩，问到是否有留意网上评论？他称：“我从来唔睇。”原来林文龙本身不爱玩社交网，他称：“同一班后生演员合作，都可以提升自己嘅网上知识。（阿女都玩？）佢好叻，所以我嘅网上嘢都系阿女帮我处理，简直系我小秘书。（太太郭可盈和女儿都有捧场？）佢哋系忠实Fans！（阿女见到你喺电视演出有详评价？）小朋友见到父母演出，都会好兴奋。”

萧正楠几忙都捧场

拍档黄翠如则表示郭可盈有致电鼓励，而公司不少同事和前辈演员都有撑翠如的演出，翠如指剧集跟过往不同，并大受感动：“呢个反应真系估唔到，咁多自己公司人睇，真系好难得！佢哋话对我有改观，所以佢哋都来个抱抱鼓励我。（老公有冇睇？）佢有，虽然佢忙开工，但返到屋企都会睇重播。”

另外，提到马国明与汤洛雯拍拖，得到全城祝福，翠如表示很开心，更坦言与老公萧正楠都估到蛛丝马迹：“我哋系估到，但唔出声，留番佢哋讲，但都恭喜同祝福佢哋，男神配女神，简直完美！（闺蜜唐诗咏有冇嬲？）冇，仲好啦，以后唔好再硬将佢两个（和马国明）摆埋一齐，其实佢好多人追，我叫佢慢慢拣，大家亦唔好再幻想佢嘅情绪，佢非常好。”