张宝儿出“那渣招”驯服躁底袁伟豪

etin

艺人张宝儿四年前踏足娱乐圈，由内至外不论思想、心态改变不少，她坦言与拍拖三年的男友袁伟豪之间的互相影响是最核心原因！两人有共同目标、理想与观念，不会因外间评论、传言而受影响，继续他俩的“二人世界”，还赞男友爱的包容，连忟憎性格也因她而改变。


2016年参选港姐而加入娱乐圈的张宝儿，坦言入行前朋友圈只是教会及大学的朋友，思想比较单纯，现时则少了一份稚气，连父母及男友Ben也觉得她有所改变。拍拖三年，宝儿大方分享两人的相处之道，纵然生活及饮食方面都很夹，但不讳言与Ben一直互相影响！

Ben向来性格执着、认真又有主见，有一次宝儿驾车时遇无礼司机被欺负，对方更向他俩竖起中指，他即于社交网公开对方的车牌指证恶行；另一次则是拍拖睇戏时，遇到场内有人大声吃薯片，惟对方事后抹黑Ben眼啤啤，他即发长文为自己平反。对于这份执着，宝儿坦言他在这三年间改变了不少：“好难讲话我改变咗佢啲乜，但佢嘅性格系柔和咗，以前揸车佢好注重规则、公义，见人唔守规则就会好忟憎，但依家情绪起伏冇咁大、冇咁忟憎。（畀你驯服咗？）佢都好包容我！好似平时我刮花咗佢架车、整污糟咗軚盘，其实佢系好讲求乾净、整洁，但依家就算我整污糟，佢都唔会话我，自己抹番就算。”

唔急结婚：系咪咁必须呢？

两人被视为“打风都打走唔甩”，并多次传出婚讯，早前更联名购下7,000万的清水湾豪宅。问到下一步会是否结婚？宝儿即开玩笑说：“买咗一个单位，咪睇吓几时买第二个单位啰！哈哈！其实我成日都谂结婚同未结婚究竟有咩分别，觉得最紧要系关系本质，大家都爱锡对方、相敬尊重，有张婚纸系咪咁必须呢？（你唔急结婚？）我又唔系好急！（买咗楼压力大？）压力一定有，我好欣赏佢嘅勇气，唔系咁多人肯同你冒呢个险！当然大家都会有牺牲，依家买玩具唔可以话买就买。”

虽然宝儿只得28岁，但说到组织家庭，她不讳言愿意婚后为Ben火速生BB：“以前曾经谂过领养小朋友，到依家如果真系结到婚，佢又系屋企嘅独仔，都想有个小朋友。（未来奶奶有冇提过？）冇提过，佢好Free、好锡我哋。（觉得Ben系咪好爸爸？）佢绝对系一个严父，但其实会好锡小朋友，好似平时对住只猫，我会恶过佢，佢会系锡住嗰个。”

被指“三亿驸马”：男友冇唔开心

对于经常被标签为“富家女”，Ben又被指为“三亿驸马”，问到会否为男友增添压力时，宝儿坦言：“绝对唔会！佢冇唔开心，因为我哋都觉得唔值得因为咁而唔开心，反而我哋更着重大家夹唔夹、系咪有一个好嘅未来。（咁你系咪有压力？）我哋要学识、清楚自己嘅谂法，外面嘅声音要舍弃，有啲系需要自己过滤，自己好清楚要啲乜，爱嘅人知道已经足够。”

宝儿曾于剧集《铁探》中拍打戏展露身手，对于事业除了希望尝试做打女外，她坦言拍古装是其“终极愿望”：“细个好锺意睇宫廷古装片，文字好靓，自己好锺意睇书，好锺意研究中文字。”近年喜欢做Gym的她，操Fit迎接动作场面的挑战，问到是否又是受Ben影响时，她笑说：“嗰阵佢要影相集，话到时都想我出镜，所以嗰阵我都好隆重其事，每日都做Gym，坚持咗50、60日，依家一星期都会做三次。”