做老窦后首个父亲节 罗仲谦话杨怡会有嘢搞

etin

艺人罗仲谦、滕丽名、陈豪日前于土瓜湾为无綫剧集《陀枪师姐2020》拍摄，谦仔以一身背心打扮拍摄动作戏份，更被人用枪指吓，他表示该剧是他从影以来最多动作戏的一套电视剧，又指自己负责武戏，而陈豪则负责文戏，更透露之后要拍摄一场跳楼戏，问开剧至今有否减磅时，他谓：“都瘦咗，呢几日挨咗几晚通宵戏，返到屋企就啱啱天光，睇埋BB食饱奶就瞓。（点解唔顺便喂埋奶？）返到去老婆都喂紧，自己都有抱吓BB。”

讲到本周日便是他荣升父亲后第一个父亲，到时会否有假放？他说：“都冇，其实自己都冇乜话庆祝父亲节，（老婆杨怡可能畀惊喜？）第一次相信老婆都会搞啲嘢嘅，早排BB有啲唔舒服，我觉得最紧要都系小朋友健康，以前未做人爸爸，会话人使乜咁紧张，而系就算佢生粒暗疮、有声咳自己都会紧张。”说到之前BB患病，太太是否很担心时，谦仔即大赞老婆是“全能妈妈”，他谓：“虽然有陪月，但系佢已学咗八、九成，所以好放心，（准备生第二个？）要休息最少八个月至一年，我呢套剧拍到月尾，七月头要再开剧。”

至于陈豪及滕丽名的造型就相当搞笑，虽然他们都是警察，但当日造型就似足做运动一样，而且色彩缤纷。讲到谦仔指自己最多动作戏，陈豪亦表示自己都不少，剧中再次饰演陈三元一角的阿滕又笑言：“佢呢啲系高手嚟，两下就搞掂，而我就咁高级，唔系要我打呀！”此外，今次阿滕可谓有另一大挑战，就是要说泰文对白，当日场口就是说二人担任卧底，深入虎穴，阿滕之前努力背泰文对白：“我依家发梦都识讲泰文！”​