究竟系边个？陈嘉倩爆无綫男艺人借醉示爱

etin

前无綫新闻小花陈嘉倩近年转型为KOL，眼大鼻高、样貌标致嘅佢系唔少宅男心目中嘅女神，身边梗系不乏追求者，日前为ViuTV节目《有酒今晚吹》担任嘉宾，大爆当年喺无綫做主播时曾获男艺人借醉示爱！

陈嘉倩话有次喺庆功宴嘅卡拉OK聚会认识一位“全能男艺人”，但竟然事隔冇耐，对方有一晚半夜send短讯向佢示爱，而且短讯断断续续、冇逻辑，估计饮醉酒：“嗰个Artist（男艺人）锺意饮嘢嘅，都好适合上呢个节目嘅。唱K之后呢，识咗唔系好耐咋嘛，咁佢都有Text，有表白咁样。”主持练美娟就问对方有冇讲“我爱你”，陈嘉倩回答：“类似咁啦，我估佢醉咗，因为我好怕收到呢啲‘Drunk Message（饮醉酒发的讯息）’。”问到男艺人嘅身份，佢透露对方所有范畴都有涉猎，系一位全能男艺人。

此外，佢仲透露有次凌晨收工，获狂迷跟踪：“有个男仔拎住扎花，喺对面马路大嗌我个名，跟住又话送我返屋企，因为完全唔知佢系咩人，条路又好静，所以好惊，我拒绝完佢，佢仲跟我行咗一段路。”​