佗第二胎劲辛苦 吴若希仲想生多个！

etin

歌手吴若希（Jinny）宣布怀有第二胎后首度现身，脚踏平底鞋的她昨日接受电台节目访问宣传新碟《爱情无价》，她透露已怀孕14周，初期妊娠反应大，非常痛苦：“之前好严重，由中午12点揽住个厕所到夜晚11点，依家就渐入佳境。”

已有一女的Jinny承认第二胎是仔，刚好凑成一个好字，但她否认刻意追仔：“我系想生女，但冇所谓，屋企人对性别冇乜要求，我哋又唔系有几百亿身家。（可以封肚？）唔会特别封，如果屋企环境许可又有条件，我会希望生三个，但养小朋友要好多资金同心力，如果我唔系移民或者身家暴涨，唔会再生第三个。老公就锺意仔，因为可以陪佢踢波，佢系运动爱好者。（想你生队足球队？）咁叫佢出面搵人同佢做运动，搵朋友去踢波啦！”

讲到因怀孕而推剧，Jinny表示因身体关系而没办法：“公司好体谅，咁都有少少嘢做，今胎系辛苦。觉得自己身体未必负担到，唔可以连续几日工作，可能今胎系仔，行五分钟路已经好攰。依家主要宣传新碟，做啲轻松同埋坐喺度嘅工作。（老公贴身照顾你？）都系，大肚个人系蠢咗，反应慢啲。（当你女王咁？）依家可以不停点佢做嘢，好难得有个时期畀我劳役佢，所以要用尽佢，佢要等我坐埋月先。我老公好搞笑，佢知道我有咗之后，第一个通知嘅人唔系父母，而系陪月。因为上胎个陪月好好，凑到个女好乖。（个陪月预约咗？）预约到，但有一个星期好似叠咗时间，陪月真系好重要，所以我之前睇剧集《BB来了》好有共鸣。（囡囡知唔知有个细佬？）知，佢好早就知，但佢话锺意妹妹多啲，不过我哋成日灌输佢要锺意BB，所以佢本身好锺意BB，但佢话佢啲衫同玩具唔会畀细佬玩，我话细佬冇玩具玩好惨，佢话咁畀少少佢玩啦！”​