一早知 “明汤恋”！唐诗咏刻意唔踢爆

etin

“明汤恋”爆出后轰动全城，两位主角马国明和汤洛雯（靓汤）先后冧认恋情，不少人都留言送祝福，，至于跟马国明传了多年绯闻的“契妹”唐诗咏，就未有任何表示，只在社交平台写佛偈。唐诗咏昨日现身将军澳电视城拍摄新剧《超能使者》，问到有否留意“明汤恋”时，她说：“点可以留意唔到。我个几月前已经估到（佢哋拍拖），佢自己都讲佢哋冇避忌，我收到各方消息，不过我哋冇问同冇踢爆，我有同（林）子善倾，子善话想问佢，我话唔好，我哋唔好问，畀啲空间佢发展，等佢亲口同我哋个讲。（马国明有冇亲口同你？）我真系太了解佢，佢从来唔讲，佢只系畀咗个Emoji同讲多谢，我哋都系睇报道先知，好为佢开心，不过子善就有啲嬲，因为想佢亲口讲。”

讲到唐诗咏未有点赞马国明于社交网认爱的贴文及留言，惹来外界揣测，她认为大家被社交网站影响太深：“郑嘉颖社文网开咗两年，我都冇畀过赞，黄翠如嘅贴文我都唔系每次畀Like，我同七成朋友喺社文网上系零互动，点赞系代表啲乜。呢件系开心事，唔好无风起浪，唔好用社交媒体去断定个关系，咁就太肤浅，我哋嘅友谊唔需要加裂痕上去，咁系太幼稚，大家应该集中番佢哋身上。（你点解写佛偈？）同（马国明）呢件事冇关，我只系觉得段文字有意思。（你系咪祝福佢？）当然祝福，我系最开心，最近好多喜事，子善个BB出世，（郑）嘉颖又做爸爸，佢又终于拍拖，下个应该到（黄）嘉乐。（你呢？）再下个就系我。（如果你拍拖会唔会公开？）我唔会公开，要睇另一半，我嘅爱情观系可低调就尽量低调。”

提到与马国明传了多年绯闻，她说：“做兄弟冇所谓，都讲咗咁多年，佢要请我食饭补偿我，佢哋要煲靓汤畀我饮。（马国明同靓汤有冇一齐出嚟见你哋？）冇，但相信之后会。（以往马国明有冇带过另一半出嚟？）有，但都系好后期，睇佢想几时带出嚟啦！”

她又指数年前在一个活动上见过靓汤，两人虽然只接触过一次，但倾得十分深入：“我同佢都系金牛座，佢好直率乜都可以倾。（啱唔啱做你阿嫂？）我有乜所谓，最重要系佢（马国明）同佢阿妈锺意，最重要佢开心，希望我都快啲带个人嚟。”