出道10年经历高低！连诗雅感触发千字文庆祝

etin

歌手连诗雅（Shiga）唔经唔觉就入行10年！喺呢个咁有纪念价值嘅大日子，佢喺社交平台出Post大晒第一首单曲《灰伯爵的忌廉遐想》嘅封面相、个唱相、同Fans嘅活动合照，以及同师兄周柏豪、公司同事合照，全部都系佢呢10年嚟嘅重要回忆。

Shiga仲发表千字文，感触留言话呢段时期经历好多高高低低，一眨眼已经由一个“小妹子”长大成“大女孩”：“回想到这10年的路，每一次以为踏前了一步，却退后了两步，但我从来没有忘记初衷，再难的路都会一直行，因为我知道我并不孤单。”佢再话人生嘅高低好似跨栏，只要一跨过，回望就会发现事情比想像中冇咁难：“我还记得有人曾经同我讲过，‘Nothing worthwhile in life is ever easy and Nothing easy in life is ever worthwhile’，时刻谨记所有成功都是有理的有付出的，那就再难的路都不会轻易放弃。”最后，Shiga衷心感谢身边曾帮助过佢嘅人，成就、磨练、陪伴佢呢10年嘅歌唱生涯，并希望将来做得更好。​