李璧琦做疫境厨神晒功架 网民求分享食谱

etin

艺人李璧琦（Becky）近日孖吴锡辉，齐齐主持节目《辉哥为食游III》，探访特色美食小店，Becky话节目今年三月已经拍摄完毕，但因疫情关系，故节目延迟推出：“因为都系想介绍完畀大家之后，等大家可以去食吓，但因为依家有禁聚令，相信大家唔可以咁大班朋友一齐食饭，惊大家唔能够可以去支持呢啲小店。”Becky表示今次拍摄时非常开心，每次都能够食美食，又可以喺吴锡辉身上学习唔少经验。Becky透露因疫情关系，留在家中抗疫之馀，亦化身“疫境厨神”，喺社交网设立“为食B琦有煮意”：“我将我煮过嘅美食同大家分享，出奇地反应好好，网友大赞之馀，亦有叫我分享食谱，又或者叫我拍片教吓大家，大家发现我除咗识唱歌同做戏之馀，原来做咗人妻都识煮嘢食，有一个新形象带畀大家。”​