胡蓓蔚飞上海！单立文被批有小三

etin

艺人单立文（豹哥）到将军澳电视城，为游戏节目《Do姐有问题》第四辑撑场，甫受访讲到他的老婆胡蓓蔚于疫情下仍飞上海探亲，他闻言即大呻：“我好惨呀！开完工就要去买餸、煮饭、洗碗，做晒先瞓得！”问到可会担心老婆在机上安全？他先正经说：“唔到我担心，佢都咁大个人，依家喺酒店隔离。”然后抵死讲笑：“反而系担心自己，我觉得呢排变得开朗又活泼。（有每日同老婆联络？）佢系我老婆，如果唔系每日一Call都几大件事。”

问到是否豹嫂双亲身体出现情况，才赶返上海？豹哥指因外父有心脏问题：“佢有心房颤动，心跳会唔正常，有时一跳跳几百吓，对老人家都辛苦，所以豹嫂陪爸爸睇医生，因为疫情佢都有半年冇返去，外地对疫情检验系有杀错冇放过，都唔会太担心。”

之后豹哥突然爆料，笑指之前曾被玄学家批，若然2019年冇BB，2020年就会出现“小三”：“就系惊喺呢段时间呀，哈哈！搞到我晚晚都瞓唔好。（你收工系咪即刻返屋企呀？定周围去？）哗！呢啲私人嘢唔答啦，哈哈！（锁自己喺屋企？）要发生嘅话点锁呀？可能我倒垃圾，见到个垃圾婆呢！”不过，他谓豹嫂为防止“小三”出现，想了一个破解方法：“佢契咗个契仔呀！佢觉得搞点咗。”