识爆唔识收！黄翠如演最悲惨角色玩到虚脱

etin

傻大姐性格的黄翠如与萧正楠结婚后甜到漏，但在无綫剧集《那些我爱过的人》中则要挑战演过最苦的角色，演绎丈夫离世，独力照顾女儿与家庭的角色。少有感性演出的她说：“拍摄嗰几个月真系好苦，未试咁苦嘅经历，但亦都好彩，拍呢套剧之前休息咗两年，去上过戏剧、心灵堂，人生亦经历过高低起跌，成长咗好多，同埋结咗婚，咁先觉得自己够资格去理解角色。”

翠如一直期待突破自己，跳出框框的角色，接到剧本时相当震撼，她说：“自己期待呢啲角色好耐，过去多数做傻大姐，演绎一个有历练嘅人，可以跳出框框，所以真系好感激，睇剧本嘅时候已经感动到喊。”不过，演绎起来难度也相当大，尤其翠如用真感情的演出方法，实在有苦自己知，她说：“自己唔系一个好叻嘅演员，有啲演员好叻收放，但系我就功夫唔够，情绪一爆就爆，所以有啲位真系虚脱，真系拍到好难过，好心痛，需要时间平复，就系因为我唔叻。”

剧中与女儿相依为命的翠如建立了密切关系，问到可有计划与萧正楠生BB？她笑说：“我就系一个冇计划嘅人，结婚冇计划，拍紧剧好专心去开工，我哋两个都好率性，会好好珍惜依家。”​