认与女友同居！洪永城随时奉子成婚

etin

艺人洪永城（Tony）日前出席无綫新剧《陀枪师姐2020》开镜，席间被记者追问他于《两个小生去camping》内，提到宁选择阳萎，也不要光头或大肚腩，他笑谓：“要维持艺人形象嘛。（之前又畀黄翠如笑短，冇问题嘛？）梗系冇啦，仲要大声啲添。大家咁关心我，I love you all！”讲到其女友最近受访自爆同居，Tony闻言亦大方承认：“开始咗几个月，互相了解多啲嘛。（觉得女友有咩改善嘅地方？）哗，想我返去跪玻璃咩？佢梗系完美啦！”谈到被爆10日不清洁碗碟，他腼腆答：“我有碗碟问题，佢就有啲运动衫（唔洗）啰，不过我宁愿花多啲时间喺事业方面，搵多啲工作，家务嘅嘢可以请钟点啫。”记者打趣指他随时“先有后婚”，他爽快表示：“都有呢个可能，女友好锺意小动物同埋小朋友。（有咗就负责任？）会处理嘅。（已谂紧结婚？）系会朝着呢个方向嘅。”​