黑雨唔只冇觉好瞓！大肚陈凯琳标冷汗兼背脊痛

etin

昨日凌晨暴雨袭港，天文台更一度发出黑色暴雨警告信号，早前宣布怀有第二胎嘅前港姐陈凯琳（Grace）同唔少人一样，惨被雷声搞到冇觉好瞓，不过佢仲突然头痛标冷汗兼背脊痛，认真惨惨惨呀！佢喺社交网话：“昨晚可以话系一波三折⋯⋯首先唔知道点解瞓瞓吓个人突然之间标冷汗，加埋个冷气吹住令到我个头开始有啲痛。饮完杯暖水终于瞓番嘅时候，畀轰然的雷声嘈醒咗，相信大家都听到有几咁厉害！再瞓番冇耐就到个背脊戚住戚住痛，可能系个肚开始大令到某一啲部位会容易疲劳⋯”

不过佢就识得自我安慰同祈祷，相当正能量：“虽然整晚都觉得好唔舒服，但系我叫自己唔好惊，不断祈祷，正所谓雨过天青～我要鼓励自己，无论遇到咩问题嘅时候都要remain calm & think positive，明天会更好！”唔少网友大呼好心痛，连好友黄翠如、黄嘉乐同杨潮凯都纷纷留言叫Grace加油！​