交代单身令人放心！高海宁反而担心邓智伟

etin

无綫咪神高海宁（高Ling）与音乐才子邓智伟拍拖多年，日前二人爆出早于去年1月已经分手，邓智伟更自揭受到在夜总会结识的沈小姐滋扰，累及高Ling、家人与朋友！事后高Ling避谈分手一事，只表示与邓智伟一直系好朋友关系，而昨日佢就喺社交网上载一张黑白照，并留言直指情已逝：“从来感情事都是低调处理，而今天只想为早已逝去的轻轻画上句点，对于感情，我是一个执着的人，快乐的，留在心里成为美好记忆，悲伤的，这是成长的养分，转身是明白、是遗憾，驻足于美好，愿各自安好。”

她以一身牛仔装打扮，出席电视城举行的慈善活动时，被问及此事时表示：“心情OK！今日甫文系想简单交代自己状态，因为多朋友关心我，想畀佢哋放心，唔想有太多揣测，（你哋所讲嘅分手时间有出入？）从来冇交代自己感情事，出嚟交代原因，只系想关心我既朋友放心，（甫文前通知前男友？）有沟通，我哋系朋友，佢发声明都讲得好清楚，因为涉及刑事，交咗畀警察处理，唔方便讲太多，唔想影响我身边人，想快啲平息！（骚扰到你身边人？）都已交咗畀警方处理，唔想再围绕住！（开始接受新恋情？）恋爱以外都仲有好多嘢，最近就忙拍剧，不过，情绪多少都有受影响，系担心智伟情绪多啲，唔想件事再发酵，今日答完我唔再答，（邓智伟心情点？）作为朋友，系信任同支持，希望佢好啦！（有冇同你交代件事？）其实由头到尾都唔关我事，作为朋友只可畀到嘅，就系支持。”​