蒋怡蓝带高手学中菜：想话畀人知煮饭唔难

etin

名模蒋怡（Coco）厨艺出众，2014年赴伦敦修读蓝带厨艺学校，并以最高荣誉毕业，被冠以“蓝带厨模”，西餐做到出神入化超夸张的她，最近学埋中餐，入读中华厨艺学院。原来课程早在一月已开学，因为疫情关系停课至今，近日终复课，她说学中餐的原因，是受作家影响。

Coco说：“以前唔系好识西厨时，我觉得煮西餐好犀利，蓝带好劲，学完蓝带所有技术之后，就觉得原来西餐好简单，所有嘢好标准化，只要一步一步做，了解其中原理，基本上乜都可以做到，就算出面米之莲餐厅，睇上去天花龙凤，但我食咗就知点做，我自己都煮咗一段时间好复杂好夸张嘅西餐，但觉得一来好麻烦，二来屋企人基本上锺意食中菜。中餐其实好博大精深，全中国咁多地方，冇一个地方食物味道系一样，令我好着迷，烹调手法、调味手法，靠用心和经验，一道菜好唔好味，未必调味好就好味，可能由选料到醮料已决定咗好唔好味。”

她觉得住家饭是维系家庭一个主要元素，令一家人成日聚在一起，一个好温暖的记忆，她说：“我好想每个家庭都有呢个温馨画面，我觉得香港少咗呢样嘢，好想畀人知道，其实煮饭唔系咁难，行街市都唔系咁老土嘅事。”她自言幸有蓝带经验，故学中餐会更有信心，不致胆怯。她笑言想读中餐并不简单，自己花了近一年时间，才获评估批准入学。​