马国明大爆被女星诱上房 吴启华：晚晚都派呀！

etin

剧集《飞虎之雷霆极战》现正热播，有份参演嘅马国明、吴启华、王敏德及陈山聪一同接受伍咏薇（伍姑娘）同林盛斌（Bob）访问。马国明同吴启华更大爆喺内地拍剧时，被女星主动埋身引诱上房一事！马国明话曾有唔系好熟嘅女星主动畀个房号佢，但佢就斩钉截铁话“唔会”：“唔会啦，一定唔会啦，一阵一入去成班麻甩佬捉你黄脚鸡，通常都系跣你唔系爱你！主动到咁梗系唔会啦，我觉得你装我多过真系爱我，有啲想报警添呀！”当阿Bob问到系咪幕前演员，马国明就话系，不过就唔讲边个喇！

之后吴启华再加码爆料：“我听过啲直情成组人派晒，连camera man（摄影师）都有呀！坏女人可以坏成咁，大家都知嘅！”之后佢哋笑言可能人哋系卖日用品啫！佢就直言对方好“得”，伍姑娘追问：“仲要系女一嚟嘅？”吴启华冇否认，谂咗谂答：“好…万人迷呀！”吓到全场哗然！最后被问到：“如果佢净系畀你呢？”吴启华就笑谓：“咁呢，就可能会考虑喇！”​