艺人江若琳(Elanne、现名:江伊晴)2014年与经理人公司爆出合约纠纷,有指当年她与寰宇签下15年合约,首10年为死约,之后5年寰宇则有使用权。即是寰宇若想继续与她合作,女方是不能推辞。她履行了10年的合约期后,主动要求结束宾主关系回复自由身。结果双方各执一词,最终对簿公堂。
事隔六年,Elanne突然宣布改名江伊晴,并签约新公司,意味一切重新出发。问到她是否与旧公司的合约纠纷已经完结?她说:“现只展望将来,旧事不想再提。呢个系过去经历,反而希望依家开开心心去面对,基本上过去唔开心嘅经历,我已经抹走咗。”联络上寰宇电影老板林小明,他表示:“十五年合约已完,所以佢可以签新公司。(官司完结?)未完,只是官司未排到期,估计要排到明年中审。”
对于签约新公司,Elanne坦言是一个严谨下所作出的决定,最大前提是没有压力下可以做自己想做的幕前工作,又可以顾及猫酒店生意。问到是否要将造人大计延迟,她说:“唔系,所以呢方面就系有好大自由度。我可以好适当咁分配所有时间喺事业、家庭上。”官司期间她饱受压力并曾患上抑鬱,她感激丈夫萧唯展(前名:萧润邦)给予了最大的支持和安全感:“佢喺情绪上、负面事情上都救咗我出火坑。佢本身系一个开心、乐天嘅人,同佢一齐可以忘记晒所有烦恼。有佢喺我身边,我可以将最困难嘅事交托畀佢,我可以去做无忧无虑嘅细路仔。以前我乜都要撑、要挨过去,比任何人都硬净,好似五十岁咁成熟,但依家我喺佢身边,我变咗五岁嘅小朋友咁。”她忆述:“有次我半夜起身食药,老公见到好嬲咁掟咗啲药落垃圾桶,叫我唔可以长期依靠药物,话有咩事大家一齐去面对,叫我放松啲。嗰一刻我感到好有安全感,我冇拣错人。”​
|