拍出浴戏嗌冻！刘颖镟自认保守唔锺意晒线

etin

艺人刘颖镟（Tiffany）在电视城拍摄新剧《超能使者》，她表示日前拍了一场打戏及出浴戏：“系我第一次拍出浴戏，有做足保护措施，我着住肉色Tube Top同埋有个大露背镜头。剧情讲陈山聪睇到我冲凉，我用刀追打佢，大家都拍得好开心，拍出嚟个效果系认真得嚟有少少搞笑。不过拍嘅时候有啲冻，因为要喷湿个身拍摄。”提到日前生日，Tiffany称首次生日在工作中度过，如果之后有时间，可能会跟绯闻男友胡㻗食饭补祝。

对于无綫撤回“限奶令”，节目《3日2夜》再次回归，女艺人可以在镜头前晒身材，曾拍过《3日2夜》的Tiffany坦言不知情：“好开心有番呢个节目，但我唔会特登去晒身材，因为我比较保守，我平时着衫都唔锺意晒事业线，除非系有需要，或者系去泳池或者沙滩，我连出海都未试过。出去过一次就系单文柔结婚啰！（江嘉敏冇邀请你出海？）冇。（唔想识吓新朋友？）唔使。（你太保守，所以唔叫你去？）可能系，哈哈！其实我想玩滑水同潜水，但我好易晒黑，我本身已经唔白，公司都话我要白啲好啲。”​