老公爱的迫降拍摄现场 苟芸慧嬲猪呻唔自在

etin

艺人苟芸慧（苟姑娘）自2018年下嫁陆汉洋后，鲜有在萤幕出现，今次于邵氏剧集《飞虎之雷霆极战》中饰演马国明太太“殷婷”一角，不仅是婚后首套参与的香港剧集，亦是相隔4年首次重返香港萤幕的作品，难怪苟姑娘大叫紧张。今次“复出”她直言感触良多，每天开工都记起昔日在TVB的日子：“因为我个人较念旧，所以见番电视城化妆师、工作人员、摄影师，好感动，勾起多好开心回忆。”

剧中苟姑娘饰演一名惹笑“恶妻”，有不少“闹爆”老公马国明的镜头，为紧凑的飞虎剧情带来轻松的喘息位，苟姑娘表示：“今次拍摄完全唔辛苦，可能时间安排得好，而且同马国明对手戏都以轻松为主，唔使打、唔使喊；记得我同佢开工嘅第一场戏，就要发脾气闹佢，嗰场戏仲要喺街巿度拍，好多人望住，所以都几大挑战。”

马国明似小朋友

苟姑娘对马国明亦有赞无弹：“好有耐性，拍摄期间，有时自己状态唔好都会忟憎，但佢就好有耐性，对住我笑吓，叫我唔使咁紧张，安慰我。问到苟芸慧跟马国明在戏中有否难忘场面？她笑说：“有次好搞笑，有日佢突然同我讲‘苟姑娘，原来我哋有场床戏。’，我话我睇过剧本唔系咁样，后来先发现，佢讲嘅床戏，系坐喺床倾偈嘅戏份，同佢合作过先知佢原来都好似小朋友，有天真嘅一面。”

老公爱的迫降探班

提到演“恶妻”，苟姑娘指现实生活中，她对着老公亦有“恶”的一面，她说：“佢（老公）有反映过我拍呢套剧时，个人特别恶，可能我唔觉意将角色嘅性格带埋返屋企，但我觉得佢应该接受到，喺闹嘅过程，表达到我嘅想法，我估佢都锺意嘅。”问老公陆汉洋可有到场探班，苟姑娘没好气表示：“试过一次，佢（老公）话咁啱喺附近工作，之后就爱的迫降咁空降拍摄现场，我返到屋企同佢反映，唔好再喺我工作位置出现，咁样会令我分心，好似成日有对眼望住我咁，好唔自在，不过佢就话嗰次系嚟睇马国明，仲话佢系佢偶像。”