【闺蜜睡房】闷蛋男友！沈震轩犯死罪激嬲陈欣妍

etin

沈震轩（Sammy）早前参演ViuTV新剧《好人好姐》，与年纪相差一截的刘美君演一对，他大赞好玩之馀，也认真地想，若现实遇上忘年对象会如何走下去？早前他应缤FUN星网节目《闺蜜睡房》邀请，一连三集与主持李文珊（Sherman）分享感情观，他说：“以我性格，如果真系好锺意，我觉得真系冇问题，当然要说服屋企人。作为男士要畀好多安全感女方，真系好锺意嘅话，我又唔系为咗别人而活，点解唔得呢？”

结婚讲Timing

现实中，Sammy与女友的感情又如何？他说：“成日畀身边人话我闷啰！系我女朋友教识我乜嘢系仪式感，由细到大我喺加拿大读书，其实我自己嘅生日都系自己过，节日唔系好锺意庆祝，锺意匿埋，但当你身边有个人好锺意庆祝嘅时候，咁你就死罪啦！（嬲咗好多次呀？）系呀！（谂住几时成家立室？）我觉得啱Timing就会啰！我系一个几传统嘅人，觉得啱时间就会做，我都希望快啲。”

Sammy外形健硕，属肌肉型男，内里却心思细密，是一个看戏会哭的男人，他笑言有次与黄柏高一同看首映，结果两个大男人在戏院爆喊，最阴功是他散场后还要受访！他回想摄影师带点腼覥地叫他先抹乾泪痕，他只懂尴尬傻笑。他又在节目中爆出一个鲜为人知、只有好亲近的人才知的秘密，这个秘密他也是近来才发觉！大家想知的话，记得本星期五、六、日收睇《闺蜜睡房》了！​