成军19年 ！蔡卓妍阿娇晒冷珍藏奖座

etin

昨日系组合Twins成军19周年纪念日，成员蔡卓妍（阿Sa）就喺社交网“大晒冷”，晒出历年来嘅专辑珍藏S，并留言：“19周年生日快乐！珍藏，净系影呢张相搞咗好耐，你哋又有几多？”佢又向近日饱受离婚新闻困扰的锺欣潼（阿娇）隔空喊话，多谢对方多年来嘅陪伴，并指虽然二人冇血缘关系，但就因为命运安排成为最真挚嘅好姊妹，更表示好开心人生中有呢位好朋友出现。唔少网民都纷纷赞好，其中余德丞更激动表示：“初恋丫”。

而一直潜水嘅阿娇，继早前母亲节发文后，亦再一次“蒲头”，不但赞好阿Sa嘅发文，亦有出甫晒出多个Twins嘅奖座，并多谢粉丝以及拍档阿Sa嘅支持：“19周年生日快乐，谢谢妳蔡卓妍，谢谢TF们，珍藏+各大荣誉，我也花了很大力气才拿好角度不拍到自己，没有你们就没有今天的我们，我也很厉害吧，因为每个奖只有一个都给我拿回家了。”

阿Sa亦有留言回覆：“其实我一直都不明白！为甚么只给一个奖座给一队组合？！ 哈哈哈哈哈”即获粉丝指只有一个奖座佢都让畀阿娇拎番屋企，大赞：“你好锡小娇娇啊，奖座畀晒佢带返屋企。”​