有机会签星梦 陈展鹏终身卖身畀无綫

etin

无綫视帝陈展鹏在将军澳电视城为新剧《超能使者》拜神，讲到他有意签唱片公司圆歌手梦？他说：“有两间唱片公司倾紧，交咗畀公司经理人去处理。当年出道嘅时候系想做歌手，有录过歌但系冇出碟就同唱片公司解约。（遗憾？）唔止遗憾，直情系失望，好开心近年公司畀咗好多机会唱主题曲，令我重拾信心，希望自己有新突破。（唱片公司重金礼聘？）呢啲就要问经理人。（签唱片公司条件同TVB续约？）唔会，同TVB嘅约仲有一段时间，同公司关系良好，我签到退休㗎喇，好似修哥（胡枫）咁几好。（会唔会签星梦？）都有机会，最紧要大家方向适合。”

展鹏表示为新剧开工两星期，庆幸疫情期间多见女儿，希望女儿不要忘记他，他笑：“好开心个女依家能够稳定咁叫爸爸、妈妈，唔会乱咗性别。”