【生日晒爱】王君馨感激老公3年前只身来港

etin

艺人王君馨（Grace）同老公Daniel由拍拖到结婚相爱14年，至今依然非常恩爱，呢日Daniel生日，身为廿四孝老婆嘅Grace当然为佢大肆庆祝，搵嚟一大班朋友大搞生日Party，仲准备咗老公细个最锺意嘅卡通人物“忍者龟”公仔造型嘅生日蛋糕，相当有心思。

Grace喺社交网甫出多张靓相，见佢揽实老公肉紧献吻，真系sweet到爆，佢仲留言送上生日祝福，并趁机多谢老公三年前放低纽约嘅一切来港陪佢生活：“他是一位常常对人好但不需回报的人。他是一位说话好少但系做事多多的人。三年前，他为了我离开了纽约，来到一个陌生嘅地方，没有甚么朋友。今年他生日，我想让他知道，他是一位有很多朋友重视，爱锡，和珍惜的人。”