豪宅意外曝光 45岁畲诗曼劲担心生唔到B

etin

宫斗剧《延禧攻略》近日喺无綫J2台重播，畲诗曼凭住“娴妃”一角喺内地爆红，近日佢就参加咗一个综艺节目《看我的生活》，除咗介绍佢嘅日常生活之外，仲请嚟老友欧阳震华大谈对婚姻及生B嘅睇法，年届45岁嘅阿畲仲话好担心生唔到B！

有名有利但系冇另一半嘅“黄金剩女”畲诗曼，自爆以前有男朋友时但系专心工作，搞到最后分开，睇见欧阳震华同太太嘅相处关系好羡慕，如果搵到一个完美对象可以一生一世就最理想，不过可惜呢个完美对象仲未出现，而欧阳震华讲到雪卵生小朋友嘅问题，阿畲坦言好担心：“我现在已经45岁，生小孩最快要47岁。当他20岁时我已经67岁。”佢仲用好惆怅嘅语气话：“能生出来吗？”之后节目组安排咗阿畲搵医生查询雪卵资料，当医生讲解45到50岁卵子会仲差，阿畲当场吓一跳好担心，最后医生补充卵子状态同年龄唔一定有关连时，阿畲先松一口气：“那我还有希望。”

无意揭露豪宅内部环境

节目仲会公开单身嘅阿畲喺屋企点样过日辰，Hea到爆嘅佢只会做三样嘢，就系玩手机、睇电视同埋食嘢，短短几个钟就已经食咗三餐，完全唔见佢做运动身形一样保持都咁Fit，认真系得天独厚！而镜头无意中暴露咗阿畲嘅豪宅内部情况，睇得出客厅同饭厅都好宽敞，饭厅位有装饰柜摆满珍藏﹐客听摆咗张L型大梳化，佢瞓上去玩电话仲有大把位剩，就知个单位size唔简单！