2003年港姐Re-U 寿星杨洛婷低V骚胸抢镜

etin

前港姐杨洛婷（Rabeea）今个月16号生日，喺圈中人缘唔错嘅佢，相信呢个生日月已经Full Booking！早前先见佢约咗好友唐诗咏、周家蔚吹蜡烛，仲同同月寿星诗咏咀嘴，呢日佢就孖两位索爆人妻曹敏莉、戚黛黛提早庆祝，影咗张2003年港姐三冠嘅世纪Re-U合照﹗一睇就知佢哋默契十足，除咗衣着颜色都系走Summer路线，衬到绝一绝之外，仲齐齐戴咗流苏大耳环，十足十系三胞胎！

身为主角嘅Rabeea，就着咗条白色低胸连身花花裙，微微咁骚胸，性感得嚟又不失优雅，佢留言话好锺意两位姊妹为佢表演唱生日歌，仲好开心可以Keep到呢份17年嘅姊妹情！有唔少网民都大赞三位依然咁省镜，靓到好似食咗防腐剂咁！​