【亚视副总裁】林文龙乐意帮无綫宣传新剧

etin

艺人黄翠如、林文龙、连诗雅、黄嘉乐等，主演的无綫剧集《那些我爱过的人》将于6月8日起晚上八时三十分于翡翠台播映。主角林文龙现时贵为亚视副总裁，身份尴尬，未知会否仍为剧集宣传，对此，此剧监制关树明接受访问时表示：“文龙系愿意嘅，而我哋亦都乐意搵佢宣传，佢始终系呢套剧男主角，虽然依家佢嘅身份系友台高层，但对宣传问题不大，佢都系分享番个角色、分享拍摄情况，我哋系会搵佢做宣传嘅，问题系文龙依家好忙，我哋都要同佢夹时间。”

林文龙接受访问时，亦坦言上年十二月出席亚姐活动时，有传媒已问过他此问题，他当时都表示一定会配合，文龙谓：“问题系TVB需唔需要搵我啫！（身份唔会尴尬？）冇嘢好尴尬，拍呢套剧时讲好，要履行合约，配合宣传，我都冇谂过一年后自己会转咗份工，依家只系履行番之前责任，完全冇牴触。”

此剧女主角黄翠如坦言文龙一起宣传是好事：“梗系好啦！佢系套剧嘅灵魂人物，所以有佢喺度系好好嘅，而且拍摄过程我哋都好努力，合作得好开心，好希望可以宣传时一齐碰面，大家努力可以继续延续落后。”此剧讲述翠如是一名单亲妈妈，而文龙亦是一名单亲爸爸，题材及故事都相当有意思。​