成功“脱单” 吴业坤：我同Rabu一见锺情

etin

歌手吴业坤（坤坤）终于有“新女”，近日大晒甜蜜床照，不过粉丝唔好剥花生住，其实坤坤新女系一只可爱嘅“猫咪”名叫Rabu。Rabu系长毛家猫，依家只有几个月大，但样子真系超萌，难怪坤坤带佢回家之后火速摆佢上床，要同床共眠，而Rabu亦好快适应新屋企，一啲惊惊都冇，上咗床就大瞓觉，又咬坤坤手指，同捐佢胳肋底，当正坤坤系自己嘅玩具，睇嚟Rabu将展开好食好住嘅美好生活…坤坤接受访问时表示：“我系第一次养猫猫，（点解突然领养猫猫？）呢排得闲，所以咪可以照顾到佢啰，连我阿妈都学埋凑猫，我已经当佢系我个女。”至于和Rabu结缘经过，佢话喺社交网问人可以喺边度领养猫猫，吸引到好多朋友介绍，见到Rabu咁得意，就立即去睇佢：“我同Rabu简真系一见锺情。”​