林保怡“BB”出世劲兴奋 周家怡爆对方反口

etin

艺人林保怡与周家怡昨日为ViuTV新剧《叹息桥》宣传，保怡除演出外更首次担任监制，他笑言：“系我第一个BB，我两年冇做其他工作，就系搞呢个剧。（推晒其他工作？）冇话推唔推，要选择啰！今次好开心，以前做演员，拍完自己个戏份就走，今次多个身份，每场戏都会同演员沟通。（享受做监制？）我锺意由零到出街嘅过程。（使唔使控制埋成本？）唔使我睇，有其他人睇。”家怡称很开心成为保怡的第一个BB，但嫌剧集太短不够喉：“同佢合作好enjoy，畀好多自由空间畀演员，拍之前大家仲一齐打边炉同饮酒。”

问到保怡会否再做监制，他透露自己两年前开了制作公司，公司有两部剧集正密锣紧鼓筹备中：“应该都系我做监制，如果有角色啱我会做埋演员，冇就唔演。（做监制做上瘾？）冇话上唔上瘾，希望疫情快啲过，可以开工。”对于新剧已经在内地率先播出，但香港下周一始播放，保怡坦言自己只是制作单位，播出日期由老板决定。问到会否担心影响收视？他说：“冇办法，但我唔惊，因为啲人会重覆咁睇，套剧唔会睇一次就明，我都睇咗两次。”家怡叫保怡要在新剧预一个角色给她，保怡无奈表示：“好难答应。”家怡即勾起旧仇：“佢之前答应带我去比利时拍外景，但最后都冇我份，所以都系唔好答应我。”​